सोलुखुम्बुः नेपाली कांग्रेसको १५औँ महाधिवेशनअन्तर्गत सोलुखुम्बुको सोलुदुधकुण्ड नगरपालिकाका विभिन्न वडाहरूमा अधिवेशन सम्पन्न भई नयाँ नेतृत्व चयन भएको छ। शनिबारबाट सुरु भएको वडा अधिवेशनमार्फत नगरपालिकाका वडा नम्बर १ देखि ५ सम्म नयाँ वडा सभापतिहरू निर्वाचित भएका हुन्।
   प्राप्त विवरण अनुसार सोलुदुधकुण्ड नगरपालिका वडा नम्बर १ को वडा सभापतिमा छोङबा लामा निर्वाचित हुनुभएको छ। त्यसैगरी वडा नम्बर २ मा सोनाम शेर्पा, वडा नम्बर ३ मा छिरिङ शेर्पा (कान्छा), वडा नम्बर ४ मा राम बहादुर बराइली र वडा नम्बर ५ को वडा सभापतिमा छितिज तामाङ निर्वाचित हुनुभएको छ। वडा नम्बर ६ मा देन्डी शेर्पा चयन हुनु भएको छ ।