दुधकुण्ड पुगेका भक्तजनहरुको सशस्त्र प्रहरी बलद्वारा स्वास्थ्य जाँच
सोलुखुम्बु । जनै पूर्णिमाको अवसरमा सोलुखुम्बुको दुधकुण्ड दर्शनमा गएका भक्तजनहरुलाई सशस्त्र प्रहरी बल सोलुखुम्बुले स्वास्थ्य जाँच तथा उद्दार गरेको छ । सोलुदुधकुण्ड नगरपालिका १ मा टाक्सिन्दुमा अवस्थित दुधकुण्ड पुगेका करिब ६० जना भक्तजनको सशस्त्र प्रहरी बलले स्वास्थ्य जाँच गरेको हो ।
सशस्त्र प्रहरी बल आश्रीत गुल्म सोलुखुम्बुवाट सहायक प्रहरी नायब निरिक्षक युवराज राउतको कमाण्डमा खटिएका ११ जनाको सशस्त्र प्रहरी टोलीले निशुल्क स्वास्थ्य जाँचका साथमा औषधी समेत वितरण गरेको गुल्मले जनाएको छ । गुल्मले दुधकुण्ड पोखरीमा हुने भिडभाड व्यवस्थापनका साथमा मेला समापन पछि दुधकुण्ड मन्दिरतथा पोखरीको सरसफाई समेत गरेको छ ।
जनै पूर्णिमाको अवसरमा मेला लाग्ने सोलुखुम्बुको सानो दुधकुण्ड फाप्लु र चाँगेस्थान लगायत्का क्षेत्रमा समेत सशस्त्र प्रहरी बल पुगेको थियो । मेला लागेका स्थानहरुमा नेपाल प्रहरी, नेपाली सेना तथा स्थानीय स्वयम् सेवकहरुले सक्रियताकासाथ कार्य गरेका थिए ।


ताजा खबर
सबै- गाउँ सहर फाउण्डेसनद्वारा १११ विद्यार्थीलाई कपडा र शैक्षिक सामग्री वितरण
- खुम्बुका सीमाबासीसँग सशस्त्र प्रहरी कार्यक्रम, नागरिक र प्रशासनबीचको सम्बन्ध आत्मीय हुनुपर्नेमा जोड
- दशौँ राष्ट्रिय खेलकुदको कोशी प्रदेश छनोटमा उसुतर्फ सोलुखुम्बुलाई दुई स्वर्णसहित पाँच पदक
- सोलुदुधकुण्ड नगरपालिकाको प्रशासकीय भवनको मंसिर २५ गते उद्धघाटन
- माप्यमा जिल्लाव्यापी भलिबल प्रतियोगिता हुँदै, विजेताले १ लाख ३३ हजार पाउने


2026-10-30-05-25-10.jpeg)




