दुधकुण्ड मेलामा पुगेका ८० जना भक्तजनहरूको सेनाद्वारा स्वास्थ्य जाँच
सोलुखुम्बु । दुर्गा बक्स गण सुरक्षा गुल्म सोलुखुम्बुले दुधकुण्ड मेलामा पुगेका तिन जना विदेशी नागरिकहरू सहित ८० जना भक्तजनहरूको स्वास्थ्य परीक्षण गरेको छ । जनै पूर्णिमाको अवसरमा दुधकुण्ड जाने भक्तजनलाई लक्षित गरी आयोजना गरेको निःशुल्क प्राथमिक स्वास्थ्य शिविरमा ८० जनाको स्वास्थ्य परीक्षण पछि आवश्यक उपचार गरिएको सेनानी नवराज बस्नेतले जानकारी दिनुभयो ।
.jpg)
धार्मिक तीर्थस्थल दुधकुण्ड उच्च स्थानमा रहेकोले भक्तजनहरूको स्वास्थ्य र यात्रा प्रति मध्य नजर गर्दै नेपाली सेनाले स्वास्थ्य शिविर सञ्चालन गरेको सेनानी बस्नेतले बताउनुभयो । दुधकुण्डमा सञ्चालन गरेको शिविरमा ४८ जना पुरुष, ३२ जना महिलालाई स्वास्थ्य जाँच पछि सामान्य उपचार गरिएको दुर्गा बक्स गण सुरक्षा गुल्म सोलुखुम्बुले जनाएको छ ।
यसै गरी नेपाली सेनाको टोलीले एक जना वृद्धको उद्धार गरेको छ । दुधकुण्डको दर्शनमा आएका काभ्रे पलान्चोक महादेवस्थान २ का ८३ वर्षीय जगत बहादुर विष्टको सेनाले उद्धार गरेको हो । आफूहरूले विष्टलाई ४३ सय मिटरको उचाइमा लेक लागेको अवस्थामा भेट्टाएको सेनानी बस्नेतले बताउनुभएको छ । बिष्टलाई प्राथमिक उपचार पछि बिष्टको इच्छाअनुसार बोकेर लगेर दुधकुण्डको दर्शन गराइएको उहाँको भनाई छ ।
.jpg)
ताजा खबर
सबै- गाउँ सहर फाउण्डेसनद्वारा १११ विद्यार्थीलाई कपडा र शैक्षिक सामग्री वितरण
- खुम्बुका सीमाबासीसँग सशस्त्र प्रहरी कार्यक्रम, नागरिक र प्रशासनबीचको सम्बन्ध आत्मीय हुनुपर्नेमा जोड
- दशौँ राष्ट्रिय खेलकुदको कोशी प्रदेश छनोटमा उसुतर्फ सोलुखुम्बुलाई दुई स्वर्णसहित पाँच पदक
- सोलुदुधकुण्ड नगरपालिकाको प्रशासकीय भवनको मंसिर २५ गते उद्धघाटन
- माप्यमा जिल्लाव्यापी भलिबल प्रतियोगिता हुँदै, विजेताले १ लाख ३३ हजार पाउने







