सोलुदुधकुण्ड नगरपालिकाले जथाभाबी टाँगिएको तार व्यवस्थापन गर्दै
सोलुखुम्बु । सोलुदुधकुण्ड नगरपालिकाले सिद्धिचरण राजमार्गमा टाँगिएको विभिन्न इन्टरनेट कम्पनीहरूका तारहरू व्यवस्थापन गरिरहेको छ । नगरपालिकाले जोर बौद्ध देखी पत्ताले सम्म विभिन्न इन्टरनेट कम्पनीहरूले तानेका तारहरूको व्यवस्थापन गरीरहेको सोलुदुधकुण्ड नगरपालिकाले जनाएको छ ।
सोलुखुम्बु जिल्ला पर्यटकीय जिल्ला रहेको र पत्ताले देखी जोर बौद्ध सोलुखुम्बु प्रवेश द्वार रहेकाले जथाभाबी टाँगिएका तारहरूले सोलुखुम्बुको सौन्दर्यतामा असर पुरयाउने भएकाले जथाभाबी टाँगिएका तारहरूको व्यवस्थापन गरिएको नगर प्रमुख नाम्गेल जाङबु शेर्पाले बताउनुभएको छ ।
सोलुदुधकुण्ड नगरपालिका वातावरणीय सौन्दर्यताको हिसाबले विगतको तुलनामा हाल निक्कै राम्रो भएको प्रमुख शेर्पाको भनाई रहेको छ । नगरपालिकालाई सुन्दर बनाउन नगर क्षेत्रमा रहेको बाटोहरू मर्मत गर्ने, विभिन्न मन्दिर लगायत सार्वजनिक स्थानहरूको सरसफाइमा जोड दिने नगर प्रमुख शेर्पाले बताउनुभएको छ । नगरपालिकाले अव्यवस्थित तारहरूलाई व्यवस्थापन गर्ने काम यही १४ गते देखी थालेको हो ।
अव्यवस्थित तार व्यवस्थापनमा सोलुदुधकुण्ड नगरपालिकाका नगर प्रहरीहरू खटिएका छन् । बिद्युत् पोलहरूबाट तानिएका तारहरू व्यवस्थापन गर्ने काम आधा जसो सकिएको र काम सम्पन्न गर्न अझै ५ दिन लाग्ने सोलुदुधकुण्ड नगरपालिकाका नगर प्रहरी प्रमुख ङवाङ ठिले शेर्पाले बताउनु भएको छ ।
ताजा खबर
सबै- गाउँ सहर फाउण्डेसनद्वारा १११ विद्यार्थीलाई कपडा र शैक्षिक सामग्री वितरण
- खुम्बुका सीमाबासीसँग सशस्त्र प्रहरी कार्यक्रम, नागरिक र प्रशासनबीचको सम्बन्ध आत्मीय हुनुपर्नेमा जोड
- दशौँ राष्ट्रिय खेलकुदको कोशी प्रदेश छनोटमा उसुतर्फ सोलुखुम्बुलाई दुई स्वर्णसहित पाँच पदक
- सोलुदुधकुण्ड नगरपालिकाको प्रशासकीय भवनको मंसिर २५ गते उद्धघाटन
- माप्यमा जिल्लाव्यापी भलिबल प्रतियोगिता हुँदै, विजेताले १ लाख ३३ हजार पाउने


2026-10-30-05-25-10.jpeg)




