भौतिक भन्दा बौद्धिक विकासमा वडाको जोड-वडा अध्यक्ष कुलुङ
सोलुखुम्बु । महाकुलुङ गाउँपालिका वडा नम्बर ४ का वडा अध्यक्ष सरस्वती कुलुङले भौतिक विकास भन्दा बौद्धिक विकासमा आफ्नो जोड रहेको बताउनुभएको छ । जनचेतना विनाको विकास असम्भव हुने विचार व्यक्त गर्दै वडाका नागरिकमा चेतना फैलाउने आफ्नो उद्देश्य रहेको वहाँको भनाई छ ।
वडा अध्यक्ष कुलुङले सोलु एफ. एम.सँग कुराकानी गर्दै नागरिकको चेतना स्तरमा वृद्धि भएमा वडाका कार्यक्रम तथा योजनाप्रति चासो र खोजी बढ्ने स्पष्ट पार्नुभयो । नागरिकले पनि वडा कार्यालयको कामको निगरानी गर्ने चेतना राख्न जरुरी रहेको बताउँदै विकल्प सहितको विरोध आउनुपर्ने वहाँको भनाइ छ ।
वडा अध्यक्ष कुलुङले आफ्नो वडामा विभिन्न समयमा चेतना स्तर वृद्धिका लागि वडाले महत्त्वपूर्ण कार्यक्रमहरूको आयोजना गरेको जानकारी दिनुभयो ।
सोलु एफ. एम. सँग कुराकानी गर्दै वहाँले वहाँले वडामा पूर्वाधारका कामहरू निरन्तर भइरहेको बताउँदै वडामा सचेतना जनचेतना फैलाउने काम आफ्नो प्राथमिकतामा रहेको बताउनुभएको छ ।
वडा कार्यालयबाट टोल विकास संस्था, अगुवा नागरिक साथै बुद्धिजीवीहरूको सल्लाह सुझावको आधारमा योजनाहरू छनौट गरिएको जानकारी दिनुभयो । साथै आवश्यकताका आधारमा योजनाहरूको प्राथमिकरण गरी योजनाको माग र कार्यान्वयनमा ध्यान दिएको वडा अध्यक्ष सरस्वती कुलुङको भनाइ छ ।
ताजा खबर
सबै- गाउँ सहर फाउण्डेसनद्वारा १११ विद्यार्थीलाई कपडा र शैक्षिक सामग्री वितरण
- खुम्बुका सीमाबासीसँग सशस्त्र प्रहरी कार्यक्रम, नागरिक र प्रशासनबीचको सम्बन्ध आत्मीय हुनुपर्नेमा जोड
- दशौँ राष्ट्रिय खेलकुदको कोशी प्रदेश छनोटमा उसुतर्फ सोलुखुम्बुलाई दुई स्वर्णसहित पाँच पदक
- सोलुदुधकुण्ड नगरपालिकाको प्रशासकीय भवनको मंसिर २५ गते उद्धघाटन
- माप्यमा जिल्लाव्यापी भलिबल प्रतियोगिता हुँदै, विजेताले १ लाख ३३ हजार पाउने


2026-10-30-05-25-10.jpeg)




