सोताङ गाउँपालिकामा अपाङ्गता जाँच पहिचान तथा परिचयपत्र वितरण शिविर सञ्चालन हुँदै
सोलुखुम्बु । सोताङ गाउँपालिकाले अपाङ्गता जाँच पहिचान तथा परिचयपत्र वितरण शिविर सञ्चालन गर्ने भएको छ । कोशी प्रदेश सरकार, करुणा फाउन्डेसन नेपाल र सोताङ गाउँपालिकाको त्रिपक्षीय लागत साझेदारी तथा राष्ट्रिय अपाङ्गता महासघंको प्राविधिक सहयोगमा यही वैशाख २७ गतेबाट सञ्चालन गर्ने भएको हो ।
पालिकाले अपाङ्गता रोकथाम तथा पुनः स्थापना कार्यक्रम अन्तर्गत अपाङ्गता जाँच पहिचान तथा परिचय पत्र वितरण शिविर सञ्चालन गर्ने सोताङ गाउँपालिकाका निमित्त प्रमुख प्रशासकीय अधिकृत श्रिध्वज राईले जानकारी दिनुभयो । उहाँका अनुसार पालिकाको ५ वटै वडामा वैशाख ३१ गते भित्र शिविर सम्पन्न गर्ने भएको हो ।
पालिका भित्र विभिन्न प्रकारका अपाङ्गता भएका नेपाली नागरिकहरूको पहिचान गर्न, नेपाल सरकारले २०६३ सालमा जारी गरेको अपाङ्गतासम्बन्धी राष्ट्रिय नीति तथा कार्य योजना एवं अपाङ्गतासम्बन्धी अन्य प्रचलित नीति तथा कार्य योजना र नेपाल सरकारको अद्यावधिक विकास योजनाहरूका आधारमा अपाङ्गता भएका व्यक्तिहरूलाई उपलब्ध गराइनुपर्ने सेवा सुविधाहरू व्यवस्थित रूपमा प्रदान गर्ने उद्देश्यले शिविर सञ्चालन गर्ने सोताङ गाउँपालिकाले जनाएको छ ।
ताजा खबर
सबै- गाउँ सहर फाउण्डेसनद्वारा १११ विद्यार्थीलाई कपडा र शैक्षिक सामग्री वितरण
- खुम्बुका सीमाबासीसँग सशस्त्र प्रहरी कार्यक्रम, नागरिक र प्रशासनबीचको सम्बन्ध आत्मीय हुनुपर्नेमा जोड
- दशौँ राष्ट्रिय खेलकुदको कोशी प्रदेश छनोटमा उसुतर्फ सोलुखुम्बुलाई दुई स्वर्णसहित पाँच पदक
- सोलुदुधकुण्ड नगरपालिकाको प्रशासकीय भवनको मंसिर २५ गते उद्धघाटन
- माप्यमा जिल्लाव्यापी भलिबल प्रतियोगिता हुँदै, विजेताले १ लाख ३३ हजार पाउने


2026-10-30-05-25-10.jpeg)




