माप्य दुधकोशीमा अपांगता भएका व्यक्ति र परिवारका लागि सांस्कृतिक हस्तकला तालिम जारी
माप्य दुधकोशी, सोलुखुम्बुः माप्य दुधकोशी गाउँपालिकामा अपांगता भएका व्यक्तिहरू तथा तिनका परिवारका सदस्यहरूलाई लक्षित गरी “सांस्कृतिक हस्तकला तालिम कार्यक्रम–२०८२” सञ्चालन भइरहेको छ । करुणा फाउण्डेशन नेपाल र अपांगता महासंघ लामल को समन्वयमा तथा प्रदेश सरकारको सामाजिक विकास मन्त्रालयको सहकार्यमा यो कार्यक्रम सुरु गरिएको हो । गाउँपालिकाको आयोजनामा भइरहेको यो तालिमले अपांगता भएका व्यक्तिहरूलाई आत्मनिर्भर बनाउन र उनीहरूमा सीप विकास गर्न सहयोग पु¥याउने विश्वास लिइएको छ।
तालिम प्रत्येक दिन माप्य दुधकोशी गाउँपालिकाको कार्यालय परिसरमा सञ्चालन भइरहेको छ । असार २ गतेदेखि सुरु भएको तालिम असार ७ गतेसम्म सञ्चालन हुने माप्य दुधकोशी गाउँपालिका उपाध्यक्ष गौरव राइले जानकारी दिनुभयो राईका अनुसार गाउँपालिकाका सातवटै वडाबाट एक÷एक जना सहभागी गरी जम्मा सात जनालाई तालिम दिइएको छ । तालिममा महाकुलुङ गाउँपालिकाबाट आउनुभएका कल्पना कुलुङले सहजीकरण गरिरहनुभएको छ । हाल तालिममा सहभागीहरू धागोको फुर्का बनाउने सीप सिकिरहेका छन् । कार्यक्रमले समावेशीता र सशक्तिकरणमा टेवा पु¥याउने उद्देश्य लिएको छ ।
ताजा खबर
सबै- गाउँ सहर फाउण्डेसनद्वारा १११ विद्यार्थीलाई कपडा र शैक्षिक सामग्री वितरण
- खुम्बुका सीमाबासीसँग सशस्त्र प्रहरी कार्यक्रम, नागरिक र प्रशासनबीचको सम्बन्ध आत्मीय हुनुपर्नेमा जोड
- दशौँ राष्ट्रिय खेलकुदको कोशी प्रदेश छनोटमा उसुतर्फ सोलुखुम्बुलाई दुई स्वर्णसहित पाँच पदक
- सोलुदुधकुण्ड नगरपालिकाको प्रशासकीय भवनको मंसिर २५ गते उद्धघाटन
- माप्यमा जिल्लाव्यापी भलिबल प्रतियोगिता हुँदै, विजेताले १ लाख ३३ हजार पाउने


2026-10-30-05-25-10.jpeg)




