सोलुखुम्बु :  सोलुखुम्बुको थुलुङ दुधकोशी गाउँपालिकाले   बाहिरी जिल्लाबाट आएका ब्यक्तीलाई १५ दिन क्यारेन्टिनमा राख्ने भएको छ ।  आज बसेको गाउँकार्यपालिकाको  बैठकले कोरोनाको अबस्था भयबह बन्द गएकाले जिल्ला बाहिरबाट आउने सबै नागरिकहरुलाई  अनिवार्य १५ दिन होम क्यारेन्टिनमा राख्ने निर्णय भएको गाउँपालिका अध्यक्ष असिम राईले जानकारी दिनुभयो । यस्तै गाउँपालिका उपाध्यक्षको सम्योजकत्वमा सबै वडाका अध्यक्ष , सम्बन्धित वडाका स्वास्थ्य इन्र्चाज, प्रधानाध्यापक , सुरक्षाकर्मी , राजनीतिक दलका स्थानिय प्रतिनिधि सहितको गुनासो तथा सुचना समुह बनाउने निर्णय गरिएको  छ । 
 गाउँपालिकामा जनचेतना मुलक कार्यक्रम सञ्चालन गर्ने, बजार अनुगमनलाई तिब्रता दिने,  विद्यालय अन्तर्गत सन्चालन हुने सबै परिक्षाहरु स्वास्थ्य सुरक्षाका मापदण्ड अपनाएर  बैशाख २३ गतेदेखि सन्चालन गर्ने गाउँपालिकाले जनाएको छ ।  स्थानिय उत्पादन, फलफुल लगायतका सामग्रीहरु भिडभाड रहित तरिकाले सुरक्षाका सबै संयन्त्र मार्फत  बिक्री वितरण गर्न पाउने र सभा सम्मेलन , खेलकुद लगायतका ठुला जमघटका कार्यक्रम पुर्ण प्रतिबन्ध लगाउँने  अध्यक्ष राईले जानकारी दिनुभयो।